香港人是否要做「漢奸」，才能獲得政治和經濟上的利益？

本人於「香港Yahoo知識+」為此文章作出首次的發表。
http://hk.knowledge.yahoo.com/my/profile?show=HA00536100


＊＊＊＊


發問者　：後現代膠神
發問時間：2007-12-03 09:57:38
http://hk.knowledge.yahoo.com/question/?qid=7007120300603
[政治]
香港社會收入兩極化，貧富對立的社會環境形成，是否符合中央對香港統戰的預期？
香港人是否要做「漢奸」，才能獲得政治和經濟上的利益？


＊＊＊＊


阿渣‧向陽回答：

１） 香港社會收入兩極化，貧富對立的社會環境形成，是否符合中央對香港統戰的預期？

唔係。起初，鄧小平係以為香港係一隻「會生金蛋嘅鵝」，先至極力收返香港之嘛。點解深圳、珠海、汕頭同埋廈門係頭果四個特區先，都係想痴下金糠之嘛。

而家香港野野要阿爺照住先生存到，你話個如意算盤係咪俾阿董伯伯打爛左先？點解董伯伯一見到阿胡阿溫都頭dup dup先？點解阿胡阿溫上左台冇耐，阿董伯伯就要「一筆out消」先？咪係啲新阿公覺得董伯伯唔適合做香港嘅話事人囉。

而家香港搞成咁，係咪阿曾叔叔嘅功勞呀？

香港出現兩極化，唔關董伯伯同埋曾叔叔事，呢個係啲英國佬搞玫瑰園計劃埋下嘅計時炸彈黎架。英國佬，尤其係戴太呢個「鐵娘子」、「五嶽盟主」嘅手下，出左名都係「君子劍」黎架啦，好似阿馬生咪係一個「君子劍」嘅表表者囉。只不過，信哥同彭生黎香港好叻咁舞幾招癖邪劍譜，加埋大陸果班東方腐敗黎香港耍下幾式葵花寶典，喺香港炒股、炒樓、洗黑錢，咪搞到香港個泡沫咁很大囉，呢個食鏍絲都係喺呢個時候黎香港出返招吸精大法咁啫。

而港豬噢大橋，合和已經在９５年就已經向阿彭督多次動議架喇，果陣時彭督為左自宮，唔理咋。香港樓、股泡沫，張五常早在信督年代，多次撰文提省我地呢班港燦啦。只可惜，香港冇令狐沖囉……而打得贏「五嶽盟主」「鐵娘子」嘅鄧仙人，又冇將「獨孤九劍」俾我地嘅班港燦咁囉。

呢個董伯伯果陣時就係好很Naive同膚淺咁偷練癖邪劍譜，俾阿胡阿溫拉落黎。而家阿曾叔叔，唔知練梗紫霞神功定係獨孤九劍喇。

中央嘅統戰，一切都係「穩定嘅『權力』勝於一切。」貧富對立，在三、五、七年裏面，一定唔會影響到中央嘅權力，暫時都仲未催化到「港人治港」、「高度自治」嘅熱切期望，所以，而家雖然仲未能符合鄧伯伯嘅預期，但係，總算仲未違返中央嘅期望。

２） 香港人是否要做「漢奸」，才能獲得政治和經濟上的利益？

唔一定要做「漢奸」先至可以得到政治同埋經濟上嘅利益嘅。可以效發電影《無間道》嘅橋段，做「臥底」都可以發達同埋出位個喎。

例如幫中國共產黨愚弄同鎮壓中國人，同埋幫暴君包裝惡法、掩飾惡行，就係「漢奸」嘅話，咁你加入民建聯，去做「臥底」，大大聲講「八九年果陣，解放軍冇血洗京城」嘅話，你都可以得到好很多政治上同埋經濟上嘅著數個喎。如果，你連香港人都想欺騙嘅話，咁你咪去做保皇黨囉。例如，早幾日政府就分左好很多舊呢個委任區議會嘅肥豬肉，俾民建聯同自由黨啦。你要好似泛民咁，企喺香港人果邊，咁咪豬seafood都冇舊過你食囉。

如果你做「臥底」，直接幫中國共產黨隱瞞暴行同埋將「陰謀『陽謀』化」嘅話，你就更加「官運享通」添。好似陳伯達呀、袁木之類嘅「臥底」，佢地不停咁幫暴君講大話，所以咪升大官、發大財囉。

做「臥底」，永遠都安全過做「漢奸」。最少，喺中國共產黨同保皇黨裏面做「臥底」，唔使驚要去接受唔知要維持幾多年嘅思想改造，唔使成日提心吊膽有朝一日俾人扣上「反中亂港」嘅帽子。就算你係「黑社會」，只要你肯俾錢中國共產黨嘅官員洗，你都仲可以大大聲咁講：「我係愛國嘅！」因為愛黨就等於愛國架啦，黨不嬲都重要過人民架啦。

孟子話：「民為貴，君為重，社稷次之。」呢啲「孔家店」嘅思想，咪係毒害人民嘅「四舊」囉。仲講呢啲「舊思想」嘅牛鬼蛇神，咪係支聯會、民主黨果啲反共嘅「反中勢力」囉。

我地都一齊黎高呼：「毛主席萬歲！中國共產黨永遠是對的！」


＊＊＊＊


發問者評價:
最可惜是中共是中國人的一部份!!
漢奸萬歲！中國漢奸永遠是對的!!!

如果幫美國欺壓中國人，是對的嘅話咁歡迎你去加入民主黨!!