用棉花棒抹走眼內的竹碎，常見嗎？

http://hk.knowledge.yahoo.com/question/?qid=7007121502050

發問者 ：桐山和雄 ( 知識長 )
發問時間：2007-12-15 15:07:15
解答時間：2007-12-16 22:03:24
問題分數：20 分 / 回答：6


[香港藝人]
用棉花棒抹走眼內的竹碎，常見嗎???
http://hk.news.yahoo.com/071214/12/2le00.html
「斬竹有物體彈入眼，我當然要料理」，但到底使唔使用兩技棉花棒咁隆重呢????

除左阿sa，又有邊個香港人，會有如此「空閒」咁做???



＊＊＊＊



最佳回答　其他回答　
發問者自選

回答者 ：阿渣‧向陽 有神嘅地方，就會有魔鬼
回答時間：2007-12-16 21:54:35

我冇睇果集囉。不過，今晚睇過阿Sa湊仔果集，覺得真係好搞笑囉。一個廿幾歲嘅女仔，原來真係可以咁低能嘅，真係估佢唔到囉。

唔知係好彩定係唔好彩，我中學同大學讀書果陣，識唔到幾多個女仔。中學果陣，掛住做Head Prefect，寸走晒啲女。大學果陣，又讀Civil，又攪學生會，又掛住打機同打小報告（「小」兒科嘅ＦＹＰ報告），冇時間去識香港女仔，有時間都去左補習同埋做醫療輔助隊搵錢先啦。大學畢業之後，又返左大陸做野，冇乜識到香港女仔囉。熟果啲中學女同學、大學女同學，都好鬼快就做左中產女強人，強到我到唔夠膽搵佢地喇。做義工識果班，全部都係施奶兵團。真係，我識親同我差唔多年紀嘅女仔，十個有九個都係大陸妹，因為畢業冇耐就返大陸做野喇。

「有邊個香港人會咁『得閒』去咁做？」果個咪阿Sa囉。

「除左佢之外呢？」可能會越黎越多人咁做囉。電視文化嘅野，一傳十、十傳百、百傳千，不停係咁樣傳落去架啦。

你睇下英皇果啲女歌星啦，好似Yumiko、Mandy呀，個個都係低能充「可愛」嘅。一係就係成個撈妹咁，好似以前個小雪呀，張栢姿咁，呢啲咪係香港而家嘅後生仔、細路仔嘅模仿對象囉。正常少少嘅容祖兒同阿嬌，都唔見得好正常囉。

而家香港最興嘅咪係「兩極化」囉，唔單止講梗呢個打工仔嘅收入呀，仲包括而家啲細路仔嘅操行，女士們嘅智商囉。老實講，我阿媽因為我同個大陸女仔（而家個老婆）拍拖，同我開大片果陣，我都係咁同我阿母講：「我都想喺香港搵女朋友啦。我而家一個月人工得果幾千銀，我鍾意果啲我都唔夠膽去追；我有能力去追果啲，你見到都想兜巴星夠佢啦。」

兩極化同埋「可愛轉型」呢個問題，唔知道係教育嘅問題，定係「社會嘅問題」，我都想搵阿志雲生同埋阿楊老闆或者商業二台嘅節目總監做返個專訪，好肯「虛心」咁問下佢地嘅意見。希望有一日，好以阿林海鋒生咁講，志雲生下次開「志雲警局」請到阿楊老闆食飯果陣，會問下佢呢啲教育問題或者文化問題啦。

其實，你呢個問題，我諗，問下阿Sa老豆同老母會好啲囉。不過，如果真係問嘅話，就要一針見血啲囉：「點解你地會冇有個咁都做得出嘅女架？你地有個咁嘅野都做得出嘅女，你地有乜野感想呀？」

我好鍾意之前有位網友講到：「父母的疏忽是難辭其咎了！」（http://hk.knowledge.yahoo.com/question/?qid=7007120205494&others=1）我覺得呢句野永遠都係啱個囉。

如果有朝一日，我真係咁唔好彩，好似阿珊珊咁，欠左人地成「四百萬」嘅終身債務嘅話，我會第一個時間Trade走果部放左喺廳度嘅LCD TV佢囉，廢事「禍延後代」啦。（不過，我一定會買返部放喺自己間放度嘅。了解下人生百態丫嘛。睇完《阿Sa真係Show》之後，真係要好似葉國謙咁，好震驚訝咁講句：「好震驚！原來一樣米真係可以種出百九幾廿萬樣人架！」）好彩，我屋企冇收音機嘅啫，如果唔係，我都唔知將啲收音機拎去邊度Trade。

呀～～～弊喇！我屋企有好多好來烏嘅電影添……如果將來俾屋企個「老闆」發現左，佢會唔會成日「忽」來「忽」去咁架？到時佢「忽」我果陣，我點算好呀？我到底應該將啲好來烏ＤＶＤ拎去回收好丫，都係唔好俾屋企個「老闆」識英文好呢？點算好呢？呢次真係冤孽囉……



＊＊＊＊


發問者評價:
哈哈哈!!!