鴉片貿易是否反映了18世紀民主英國人的價值觀？

本人於「香港Yahoo知識+」為此文章作出首次的發表。
http://hk.knowledge.yahoo.com/my/profile?show=HA00536100


＊＊＊＊


發問者　：後現代膠神
發問時間：2007-12-06 16:45:08
http://hk.knowledge.yahoo.com/question/?qid=7007120601789
[政治]
鴉片貿易是否反映了18世紀民主英國人的價值觀？當時獨裁的中國政府不給人民吸食鴉片是否違反當時世界民主價值觀？


＊＊＊＊


阿渣‧向陽回答：
你有冇睇過金庸嘅《笑傲江湖》呀？無嘅話，就去買返套黎睇下啦。再唔係，買無線嘅《笑傲江湖》黎睇都得架，不過，一定要買由金庸監製果個版本喎。再唔係，我搵返位讀梗中一嘅學生哥，講下《笑傲江湖》嘅故事你聽囉。

英國嘅政客、當權者，不嬲都係「君子劍」同「五嶽盟主」嘅化身黎架啦。由十字軍東征，以至燒死聖女貞德嘅故事，都反映梗英國佬嘅民智未開，英國嘅政客、當權者個個都係岳不群、左冷禪黎架啦。

你唔知道十字軍東征同埋聖女貞德嘅故事呀？唔緊要，我叫我讀梗小學三年班嘅姪女話過你知啦。

子曰：「己所不欲，勿施於人。」而英國商人，不嬲都係耶穌教嘅門徒黎架啦，佢地唔鍾意孔夫子呢啲「偶像」個喎。英國商人深信：「己所不欲，塞去俾人。」英國１８世紀果陣，就係因為英國國內已經開始大力杯葛鴉片嘅使用，令到鴉片嚴重滯銷，所以咪塞去俾印度同滿清國囉。

當時滿清國嘅獨裁皇帝，一直都冇立法喺佢嘅領土全面禁止鴉止買賣個喎。你係咪中國人黎架？咁你都唔知嘅？鴉片戰爭，罪魁禍首係兩廣巡府林則徐，自把自為，明明《大滿律例》冇寫明可以剝奪中國人吸食鴉片同埋買賣鴉片嘅自由，呢個林則徐就竟然沒收晒果啲正當商人嘅鴉片存貨，仲將啲鴉片銷毀，簡直係人治嘅典模，不過就暴殄天物左小小、妄顧左國際貿易嘅平衡、污染左環境咁囉。作為上帝嘅仔女嘅英國佬睇唔過眼，先至教訓下林則徐之嘛。點知，林則徐又威喎，一連幾次打敗左果啲替耶和華行道嘅英國佬，英國佬先至用一招「擒賊先擒王」，黎個直搗黃隴，殺入京城咁啫嘛。

滿清國，就係因為冇跟住世界嘅價值觀，唔用法律去剝奪佢所管治嘅蟻民嘅人權同埋自由，加上林則徐佢自把自為咁亂用人治黎破壞英國人喺滿清國嘅合法利益，先至搞到割地賠款咁陰公嘅啫。

不過，就算而家嘅中國都唔鍾意跟住世界嘅主流價值觀去走架啦。民主係乜野黎架？中國人知鬼咩？咪玩啦。

係喎，唔知道你對歷史好無知嘅添。咁講番一啲近期啲嘅故仔啦，希望你會有啲印象啦。

英國人嘅民智未開，睇下阿貝理雅生派兵伊拉克單野，都可以知道下嘅。仲有呀，英國最出名嘅賭博業，好似賭馬、賭波、賭股票咁──好似碧咸轉到皇馬件波衫係幾多號又有得賭，前皇妃載安娜會唔會再婚都有得賭──你就知道啲英國佬嘅民智有幾高啦。

再講下令到元朗同屯門交通出問題嘅輕便鐵路，咪係因為果陣澳洲撻訂，英國佬咪塞去俾香港要囉。點解輕鐵起果陣，咁多人塞佢木頭啫？咪係因為輕鐵搞到元朗、屯門好好地嘅交通，變到成日大塞車囉。英國佬，出左名識得做生意架啦。而家啲生意佬，點先叫做成功呀？就係塞啲你唔啱用嘅野俾你，仲理直氣將咁收你錢，呢啲咪叫做生意佬囉。中國共產黨果啲，動不動就收你皮嘅，呢啲咪叫做愛國嘅黑社會囉。

希望以上嘅資料，對你黎講唔會太深咁啦。

有咁啱，得咁橋，電腦播梗Beyond果首Amani（曲／詞／唱：黃家駒）：

祂　主宰世上一切　祂的歌唱出愛　祂的真理遍佈這地球
祂　怎麼一去不返　祂可否會感到　烽煙掩蓋天空與未來

無助與冰涷的眼睛　流淚看天際帶悲憤　是控訴戰爭到最後傷痛是兒童

我向世界呼叫
AMANI NAKUPENDA NAKUPENDA WE WE
TUNA TAKA WE WE
AMANI NAKUPENDA NAKUPENDA WE WE

天　天空可見飛鳥　驚慌展翅飛舞　穿梭天際只想覓自由
心　千億顆愛心碎　今天一切厄困　彷彿真理消失在地球

權力與擁有的鬥爭　愚昧與偏見的爭鬥　若這裡戰爭到最後怎會是和平

再次再次呼叫
AMANI NAKUPENDA NAKUPENDA WE WE
TUNA TAKA WE WE
AMANI NAKUPENDA NAKUPENDA WE WE


＊＊＊＊


發問者評價:要看看回答者阿渣的文章,十分精彩和無良!!!要好好學習的文筆!!


＊＊＊＊

其他網友的留言：

回答者　：szeming418
回答時間：2007-12-06 18:36:34
中國政府不給人民吸食鴉片否違反當時世界民主價值觀 because 中國政府 一心也是想為人民好的,鴉片會影響人民的健康
和鴉片是毒物


＊＊＊＊


回答者　：kahoman2007
回答時間：2007-12-06 22:25:51

當時獨栽的中國政府要割讓香港九龍俾英國，這是對香港好嗎？？